ຕໍ່ກັບສະພາບນໍ້າຖ້ວມທີ່ໄດ້ຮັບຜົນກະທົບຈາກເມືອງຫາດຊາຍຟອງ ທີ່ຜ່ານມາ, ບໍລິສັດ ອາລິອັນສ໌ ປະກັນໄພລາວ ໄດ້ຈັດຂະບວນການເພື່ອຊ່ວຍເຫຼືອຊຸມຊົນທີ່ໄດ້ຮັບຜົນກະທົບໃນວັນສຸກທີ 20 ກັນຍາ. ເຊິ່ງພວກເຮົາໃຫ້ການຊ່ວຍເຫລືອແກ່ບ້ານສົມຫົງ, ແກ້ງຢາງ, ແລະ ບ້ານກາງ ໂດຍການສະໜອງເຄື່ອງໃຊ້ທີ່ຈຳເປັນບາງຈຳນວນເຊັ່ນ: ເສື້ອ, ມີ່, ນ້ຳ, ແລະ ຜົງຊັກຜ້າ, ພ້ອມທັງໄດ້ຊ່ວຍເຫຼືອໃນການທຳຄວາມສະອາດບັນດາວັດໃນທ້ອງຖິ່ນ.
ອາລິອັນສ໌ ປະກັນໄພລາວ ໃຫ້ຄວາມສໍາຄັນສະເໝີໃນການປະກອບສ່ວນຊ່ວຍເຫຼືອສັງຄົມໃນຮູບແບບຕ່າງໆ, ສະເພາະໄພນໍ້າຖ້ວມທີ່ເກີດຂຶ້ນໃນປີນີ້ ອາລິອັນສ໌ ປະກັນໄພລາວ ໄດ້ໃຫ້ການສະໜັບສະໜູນ ຕາມກໍາລັງ ເພື່ອຕອບສະໜອງຄວາມຕ້ອງການຂັ້ນພື້ນຖານທີ່ສໍາຄັນ ແລະ ຮີບດ່ວນທີ່ສຸດຂອງຜູ້ໄດ້ຮັບຜົນກະທົບ ຈາກໄພນໍ້າຖ້ວມ ຢູ່ຫຼາຍເມືອງ ແລະ ແຂວງ ໃນ ສປປ ລາວ ແລະ ອາລິອັນສ໌ ປະກັນໄພລາວ ຫວັງວ່າ ຜູ້ປະສົບໄພນໍ້າຖ້ວມ ຈະຜ່ານຜ່າ ແລະ ກັບຄືນມາສູ່ການດໍາລົງຊີວິດ ແບບປົກກະຕິໄດ້ໂດຍໄວ.
