ໃນວັນອັງຄານ, 8 ສິງຫາ 2023, ບໍລິສັດ ອາລິອັນສ໌ ປະກັນໄພລາວ ຈຳກັດ ໄດ້ຮ່ວມມືກັບ Zero Waste Laos ເພື່ອຝຶກອົບຮົມແບບອອນລາຍ ໃຫ້ແກ່ພະນັກງານຂອງພວກເຮົາໃນຫົວຂໍ້ "ໂຄງການ ເຄື່ອນໄຫວສົ່ງເສີມການໝູນນຳໃຊ້ຂີ້ເຫຍື້ອຄືນໃຫມ່ ແລະ ການຫຼຸດຜ່ອນສິ່ງເສດເຫຼືອພາຍໃນຫ້ອງການ ອາລິອັນສ໌ ປະກັນໄພລາວ"
ທີ່ ອາລິອັນສ໌, ພວກເຮົາມີຄວາມມຸ່ງໝັ້ນຕໍ່ຄວາມຍືນຍົງ ເຊັ່ນດຽວກັນກັບ ຄວາມຮັບຜິດຊອບຕໍ່ສິ່ງແວດລ້ອມ, ແລະ ການຮ່ວມມືກັບ Zero Waste Laos ນີ້ສະແດງເຖິງບາດກ້າວທີ່ສຳຄັນເພື່ອບັນລຸເປົ້າໝາຍຂອງພວກເຮົາ. ການຝຶກອົບຮົມນີ້ແນໃສ່ໃຫ້ຄວາມຮູ້ເພີ່ມເຕີມໃຫ້ກັບພະນັກງານຂອງພວກເຮົາ ກ່ຽວກັບການຈັດການສິ່ງເສດເຫຼືອທີ່ມີປະສິດທິພາບ ໃຫ້ມີປະສິດທິຜົນພາຍໃນຫ້ອງການຂອງພວກເຮົາ, ສົ່ງເສີມວັດທະນະທໍາຂອງຄວາມຍືນຍົງ ແລະ ຫຼຸດຜ່ອນຜົນກະທົບຕໍ່ສິ່ງແວດລ້ອມ.
ໃນລະຫວ່າງການຝຶກອົບຮົມອອນລາຍນີ້, ຜູ້ເຂົ້າຮ່ວມໄດ້ມີໂອກາດຮຽນຮູ້ກ່ຽວກັບເຕັກນິກການຈັດການສິ່ງເສດເຫຼືອຕ່າງໆ, ລວມທັງການແຍກຂີ້ເຫຍື້ອ, ການໝູນນຳໃຊ້ຂີ້ເຫຍື້ອຄືນໃຫມ່, ແລະ ການຫຼຸດຜ່ອນການຜະລິດສິ່ງເສດເຫຼືອ. ກອງປະຊຸມຍັງໄດ້ຍົກໃຫ້ເຫັນຄວາມສໍາຄັນຂອງຄວາມຮັບຜິດຊອບສ່ວນບຸກຄົນ ແລະ ຄວາມພະຍາຍາມລວມໃນການສ້າງບ່ອນເຮັດວຽກໃຫ້ເປັນສີຂຽວເພີ່ມຂຶ້ນ ແລະ ການ ປູກຈິດສໍານຶກເພື່ອຊຸກຍູ້ການກໍາຈັດສິ່ງເສດເຫຼືອທີ່ມີຄວາມຮັບຜິດຊອບລະຫວ່າງພະນັກງານ.
ພວກເຮົາຂໍຂອບໃຈມາຍັງ Zero Waste Laos ສໍາລັບຄວາມຊ່ຽວຊານໃນການແບ່ງປັນຂໍ້ມູນຄວາມຮູ້ ແລະ ການຮ່ວມມືໃນການຈັດຊຸດຝຶກອົບຮົມຄັ້ງນີ້. ຄວາມຮູ້ ແລະ ການຊີ້ນໍານີ້ໄດ້ເປັນແນວທາງໃຫ້ພະນັກງານຂອງພວກເຮົາມີທັກສະທີ່ຈໍາເປັນເພື່ອປະຕິບັດການຈັດການສິ່ງເສດເຫຼືອທີ່ມີປະສິດທິພາບ ເພື່ອການຄຸ້ມຄອງສິ່ງແວດລ້ອມ ແລະ ການສ້າງແນວທາງທີ່ດີພາຍໃນອົງກອນ ແລະ ຊຸມຊົນຂອງພວກເຮົາ.