ທີ່ Allianz Insurance Laos, ພວກເຮົາມຸ່ງໝັ້ນທີ່ຈະສົ່ງເສີມຄວາມຍືນຍົງ ແລະ ເຮັດໃຫ້ເປັນໝາກຜົນທີ່ສຸດຕໍ່ສິ່ງແວດລ້ອມ ແລະ ຊຸມຊົນ. ໃນວັນທີ 18 ກໍລະກົດ 2023 ທີ່ຜ່ານມາ, ບໍລິສັດ ອາລິອັນສ໌ ປະກັນໄພລາວ ຍັງຄົງສືບຕໍ່ ແລະ ສ້າງບົດບາດອີກຄັ້ງກັບໂຄງການສົ່ງເສີມຄວາມຍືນຍົງ ແລະ ໄດ້ສົມທົບກັບທີມງານ Zero Waste Laos ເພື່ອປະກອບສ່ວນສຳຄັນເຂົ້າໃນການອະນຸລັກສິ່ງແວດລ້ອມ ໂດຍການບໍລິຈາກຕົ້ນໄມ້ອີກຮອບເປັນຈຳນວນ 700 ຕົ້ນ ໃຫ້ແກ່ໂຮງຮຽນມັດທະຍົມສົມບູນໂພນທັນ. ເຊິ່ງກິດຈະກຳໃນຄັ້ງນີ້ນຳພາໂດຍ ຮອງຜູ້ອຳນວຍການ ປອ ແສງອາລຸນ ອິນມີໄຊ ແລະ ຫົວໜ້າຝ່າຍການຕະຫຼາດ ແລະ ການຄ້າ, ທ່ານ ໄພຍະເອກ ທຳມະນາມ.
ກິດຈະກຳມອບຕົ້ນໄມ້ນີ້ ແມ່ນເພື່ອແນໃສ່ຄວາມສຳຄັນຂອງການຮັກສາສິ່ງແວດລ້ອມໃຫ້ແກ່ຄົນໄວໜຸ່ມເພື່ອຫລຸດຜ່ອນການປ່ຽນແປງສະພາບດິນຟ້າອາກາດ. ດ້ວຍການປູກຕົ້ນໄມ້ເຫຼົ່ານີ້, ພວກເຮົາຮ່ວມກັນປະກອບສ່ວນເຂົ້າໃນການຟື້ນຟູ ແລະ ປົກປັກຮັກສາສິ່ງແວດລ້ອມທຳມະຊາດ, ພວກເຮົາຫວັງຢ່າງຍິ່ງວ່ານີ້ຈະເປັນແຮງບັນດານໃຈແລະ ຈະເຮັດໃຫ້ທຸກຄົນມີສ່ວນຮ່ວມໃນການສ້າງອະນາຄົດທີ່ຍືນຍົງເພີ່ມຂຶ້ນ. ພວກເຮົາເຊື່ອໝັ້ນວ່າຄວາມພະຍາຍາມເລັກນ້ອຍສາມາດສ້າງຄວາມແຕກຕ່າງອັນໃຫຍ່ຫຼວງ, ແລະຮ່ວມກັນ, ພວກເຮົາສາມາດສ້າງໂລກທີ່ຂຽວຂຶ້ນ ແລະ ຢືດຢຸ່ນໄດ້.
ແລະ ແນ່ນອນ, ພວກເຮົາຍັງຄົງສືບຕໍ່ໂຄງການສົ່ງເສີມຄວາມຍືນຍົງຕໍ່ບໍ່ພຽງແຕ່ພາຍນອກ ພວກເຮົາຍັງໄດ້ຂະຫຍາຍໄປສູ່ການລິເລີ່ມອື່ນໆພາຍໃນອົງການຂອງພວກເຮົາ ບໍ່ວ່າຈະເປັນການປະຢັດພະລັງງານ, ການຫຼຸດຜ່ອນການນໍາໃຊ້ເຈ້ຍໂດຍຜ່ານການດິຈິຕອນ, ແລະ ໃນອະນາຄົດອັນໃກ້ໆນີ້ພວກເຮົາຈະໄດ້ລິເລີ່ມໂຄງການເຄື່ອນໄຫວສົ່ງເສີມການໝູນນຳໃຊ້ຂີ້ເຫຍື້ອຄືນໃຫມ່ ແລະ ການຫຼຸດຜ່ອນສິ່ງເສດເຫຼືອ. ຄວາມພະຍາຍາມເຫຼົ່ານີ້ສະທ້ອນໃຫ້ເຫັນເຖິງການເອົາໃຈໃສ່ຂອງພວກເຮົາເພື່ອຫຼຸດຜ່ອນການປ່ຽນແປງສະພາບດິນຟ້າອາກາດ ແລະ ສົ່ງເສີມສະພາບແວດລ້ອມເພື່ອຄວາມຍືນຍົງ.
ໂດຍການຮ່ວມມືກັນຈາກຫລາຍໆພາກສ່ວນ, ພວກເຮົາຍັງສາມາດຊ່ວຍກັນສ້າງການປ່ຽນແປງທີ່ດີ ແລະ ສ້າງອະນາຄົດທີ່ຍືນຍົງສໍາລັບຄົນລຸ້ນຕໍ່ໆໄປໄດ້.